الرئيسية
[rtl][size=13]"انا مش عايز اخلف..مش عايز اكرر التجربه المؤلمه دي وانقلها لشخص تاني ملوش ذنب فيها"
" العالم اصبح مكان سيء جدا لا يحتمل اشخاص جداد يعانوا فيه اكتر من كده"
"انا عندي ترومات كتير, الي انا ممكن اخلفه انا لا اصلح له اب وانا لا اصلح له ام..الافضل اننا منخلفش احسن"
------
"هل العالم حاليا فعلا مكان سيء ؟"
الحقيقه بتخيل في العصور القديمه لما كنت محتاج تقطع شوط طويل مرهق وصعب جدا عشان تحصل على "شربه ماء"
مش زي دلوقتي الحنفيه بتفتحها تجيب ميه، او في اسوا الظروف بتمشي مشوار صغير لو انت فقير وبتفتح حنفيه بتجبلك ميه
بتخيل اهل اليابان بعد هيروشيما ونجازاكي لو كانوا كلهم قرروا ميخلفوش تاني لان العالم اصبح مكان سيء، خصوصا انهم مش عايزين يعيشوا في الاشعاعات
بتخيل اهل العالم كله بعد الحرب العالمية الاولى والتانيه لو قرروا كلهم ميخلفوش بسبب الحرب العالميه وان اكيد العالم ساعتها كان مكان اسوأ بكتير من دلوقتي
بتخيل لو الناس ايام التتار ما كانوا بيغزوا البلاد وبيقتلوا من بيها وبيذبحوهم بلا رحمه وبيأكلوا الاخضر واليابس لو كانت الناس ساعتها قررت متخلفش بسبب ان لعالم اصبح مكان سيء في وجود التتار
او في حروب المسلمين والفتن بعد الرسول لما كانوا بيقتلوا في بعض ان الوضع اصبح سيء واني مش هجيب عيل يعيش عصور الفتن دي
او لما كانوا بيحاربوا العلماء في عصور الجهل الوسطى وبيعدموا اي حد يقول فكره علميه عكس المعتقد السائد
بتخيل ايام الناس الي عاصروا ايام صعبه في انتشار انواع مختلفه من الاوبئه على مر العصور
- الطاعون الي كان بيتسمى بالموت الاسود قتل 200 مليون واحد
- الجدري قتل 56 مليون
- الانفلونزا الاسبانيه قتلت حوالي 40 مليون
- طاعون تاني قتل 30 مليون
بتخيل الناس الي مروا بكل الامراض دي وفقدوا ناس من اهلهم وقرروا انهم ميكملوش خلفه تانيه بسبب الي مروه بيه من ايام سيئه
---
" بس انا مش عايز اكرر التجربه المؤلمه الي انا مريت بيها"
ناس كتير بتتعامل مع الحياة كانها ديما كانت المفروض تمشي بيرفكت بس احنا الي بسبب ظروف ما انحرفنا عنها ومرينا بتجربه سيئه
في حين ان عمرنا ما شوفنا نموذج للحياة البيرفكت الي الناس عايشاها ومبسوطه
في ناس كتير اغنيه عندهم مشاكل شايفين ان حياة البدائيه والصيد هي احلى حياه
ناس كتير فقرا شايفين ان حياة الاغنيه هي افضل حياة بدون ما يعرفوا تفاصيل تحمل هذه الحياة
ناس كتير شايفه ان الي غرقانين في مشاكل دول هما اسعد ناس لانهم معندهمش فرصه يغوصوا في اكتئابات الوجود والبحث عن المعنى
في حين ان الناس الي غرقانه في مشاكلها شايفين ان الي معندهمش مشاكل دول اسعد ناس وان مهما بلغت مشاكلهم فهي لا شيء مقابل انك تنام وانت مش عارف هتجيب ايجار الشهر الجاي منين
ناس كتير ابهاتهم وامهاتهم كانوا كويسين جدا ومثالين في تربيتهم اتشافوا على انهم سلبيين و متأخرين عن العالم الحديث ومعلموش ولادهم بالقدر الكافي على مواجهه صعوبات الحياة
وناس كتير ابهاتهم وامهاتهم مكانوش موجودين اصلا واتربوا بمدرسه الحياة عن طريق النجاة ديما ومش بطرق اختياريه ويمكن ده الي خلاهم يحققوا نجاحات كتير نظرا لكونهم فاهمين خبايا الحياة من كتر ما تعرضوا لصعوبات مكانش معاهم حد يسندهم فيها
وناس كتير ابهاتهم كانوا عباقره في عمل شيء ما و"ناجحين" جدا في ما يقارن بالمستويات البشريه، وكانوا اباء سيئين جدا
ماذا لو افترضنا جدلا جدلا "ان احد قوانين الحياة لكي تكون ناجح ماديا واجتماعيا هيسلب منك مساحة انك تكون اب او ام جيده"
هل مثلا تحب والدتك تكون زي امهات زمان الي افنت حياتها في تربيتك هتقدرها اكتر ولا مش مهم والدتك كانت تربيك كويس او تفني حياتها ليك المهم انها كانت تكون مهندسه نووية شاطره ساعدت البلاد في توليد الطاقه وسد احتياجات الفقراء ؟
هتختار انهي
في الحقيقة قانون الحياة خصوصا من كل ما حد بيكبر سنا او بيمر بتجارب اكتر ديما بيتجهوا نحو سياق "ان الحياة ليست عادله، ولن تكون عادله" ودينيا لم يعد احد ابدا ان الدنيا دار رخاء او دار استراحه، او دار هتكون فيه العيشه حلوه وجميله
السخط بتاعنا جاي من منطق احنا بس الي كنا بنحلم بيه، يمكن عشان بنشوف افلام او قصص نسجها خيال مؤلف عشان يهرب من واقع الحياة المؤلم
---
"بس انا لا اصلح ان اكون اب او ان اكون ام. انا شخص سيء جدا"
في الحقيقه اعتقادك اصلا ان تربيتك هي مجرد معادلات هتطلع ناتج مضمون في الاخر هي حاجه عبثيه جدا
مفيش حد نزل بكتالوج عارف الابوه او الامومه عامله ازاي، زي ما ذكرلتك قبل كده، هناك ناس عباقره، مثلا زي اينشتاين، لم يكن اب جيد ابدا،
عبقري غير علمي مثلا تسويقي زي ستيف جوبز بنته كاتبه فيه كتاب مخصوص بتعبر عن سخطها عليه،
في حين ان ابو محمد صلاح كان ينام على حذاءه لما كان يسافر القاهره عشان تدريبات صلاح لإنه مؤمن بإبنه رغم انهم في اعتقادي لم يكن يتخيل ان ابنه هيكون من اهم 3 لاعبين في العالم
مش عايز اجيب امثله مشاهدنهاش بشكل حي مثلا، زي ادم وحواء لما خلفوا قابيل وهابيل اتخانقوا وواحد قتل التاني
او ان ابن سيدنا نوح عصى ابوه وهو نبي ورفض يروح معاه
او ابناء سيدنا يعقوب انهم خدوا اخوهم ورموه في البير
وهم انبياء، ربما انت لا تؤمن بهذه القصص ولم تشاهدها
ولكن بص حواليك
اكيد في حد من الي تعرفهم او الي حواليك مخلف توأم ، مفيش اي داعي لاي اب او ام ينه يفرق ما بينهم، الاتنين مولدين في نفس اللحظه بفارق ثواني بسيطه الاتنين نفس التكوين نفس الجسم نفس الشكل
تعرضوا لنفس ظروف التربيه، كل واحد فيهم طالع بشكل معين بشخصيه معينه، رغم ان كل المدخلات كانت واحده
بالطبع انت محتاج تسعى انك تكون اب كويس وام كويسه، ومحتاج تسعى على قد ما تقدر، بس ده ميضمنش النتيجه، ومحدش فعلا معاه كتالوج ولا يقدر يقولك اعمل ايه ومتعملش ايه،
كل حاجات التربيه الحديثه الي طالعه اليومين دول هي بعد 2000 سنه من تدوين تاريخ البشريه
لو كانت شرط اساسي لوجود كائن حي انك تجتاز الامتحان ده عشان البشريه تكمل
تطور البشريه هو عباره عن تفادي اخطاء الماضي، وتفادي اخطاء الماضي مش عن طريق قتل الماضي، هو عن طريق انك تسعى انك تتجنب الي عمله ابوك معاك وحش، او تعوض الاهمال الي حسيت بيه مثلا
وانك تسامح ابوك وامك لانهم كانوا فاكرين ان ده صح، او كانت ظروفهم وحشه، او كانت عقلياتهم جابتهم لكده، وتتفادى انت اخطاء هما وقعوا فيها
وان ممكن يكون ده منطلق حاجه كويسه تعملها للاجيال الي جايه كويسه فعلا انك تنتج عقليات سليمه تساعد في تقليل المعاناة في المجتمع. او ناس تساهم في ازدهار تعليم معين يساعد في احتواء امراض كانت بتفتك بيهم
او يسهلوا حياة الناس في انهم يوصلوا لاحتياجاتهم الاساسيه من غير المجهود الخرافي بتاع زمان زي ما بيوصلك حاليا حنفيه الميه
او انك تنتج بشريه يكون ليها مبادئ انسانيه كويسه تحد من الحروب والنزاعات وتعيش العالم في مكان افضل
وفي الاول والاخر، انت هتسعى، مش شرط توصل لنتيجه، لان دي نفسه بشريه معقده جدا، مهياش هندسه، عمرها ما كانت نتيجتها مضمونه وعمرها ما كان ليها كتالوج، ولا استعداد شخصي
تريند عدم الخلفه تحت مسمى ان ده افضل للبشريه
بيخالف مثلا الهند الي تعداد فوق المليار ومئه مليون شخص، وبيسودها المجاهعات والفقر،ـ ان رؤساء اكبر شركات التقنيه في العالم كلهم هنود
واحد منهم ابوه دفع مرتب سنه كامله لمجرد تمن تذكره ان ابنه يسافر يعمل حاجه، معتقدش ان ظروفه كانت احسن من ظروفك، ولا مكانش بيعاني من ترومات ولا شاف ايام وحشه في حياته
لو مبتسعاش تكون شخص افضل متخلفش، انما لو بتسعى انك تكون شخص افضل بشكل عام، فا متعطلش نفسك تحت مسمى انك هتوصل لفكره انك بقيت شخص احسن
مش مطلوب منك غير السعي، والنتيجه عمرها ما كانت بتاعتك
وطالما انت بتسعى فانت وصلت للسطر ده، الناس الي مش بتسعى قفلوا المقال من بدري اوي..، فا انت شخص كويس، وبتهتم وحريص، واعتقد ان البشريه محتاجه من نسلك اكتر <3
[/rtl]
[/size]
" العالم اصبح مكان سيء جدا لا يحتمل اشخاص جداد يعانوا فيه اكتر من كده"
"انا عندي ترومات كتير, الي انا ممكن اخلفه انا لا اصلح له اب وانا لا اصلح له ام..الافضل اننا منخلفش احسن"
------
"هل العالم حاليا فعلا مكان سيء ؟"
الحقيقه بتخيل في العصور القديمه لما كنت محتاج تقطع شوط طويل مرهق وصعب جدا عشان تحصل على "شربه ماء"
مش زي دلوقتي الحنفيه بتفتحها تجيب ميه، او في اسوا الظروف بتمشي مشوار صغير لو انت فقير وبتفتح حنفيه بتجبلك ميه
بتخيل اهل اليابان بعد هيروشيما ونجازاكي لو كانوا كلهم قرروا ميخلفوش تاني لان العالم اصبح مكان سيء، خصوصا انهم مش عايزين يعيشوا في الاشعاعات
بتخيل اهل العالم كله بعد الحرب العالمية الاولى والتانيه لو قرروا كلهم ميخلفوش بسبب الحرب العالميه وان اكيد العالم ساعتها كان مكان اسوأ بكتير من دلوقتي
بتخيل لو الناس ايام التتار ما كانوا بيغزوا البلاد وبيقتلوا من بيها وبيذبحوهم بلا رحمه وبيأكلوا الاخضر واليابس لو كانت الناس ساعتها قررت متخلفش بسبب ان لعالم اصبح مكان سيء في وجود التتار
او في حروب المسلمين والفتن بعد الرسول لما كانوا بيقتلوا في بعض ان الوضع اصبح سيء واني مش هجيب عيل يعيش عصور الفتن دي
او لما كانوا بيحاربوا العلماء في عصور الجهل الوسطى وبيعدموا اي حد يقول فكره علميه عكس المعتقد السائد
بتخيل ايام الناس الي عاصروا ايام صعبه في انتشار انواع مختلفه من الاوبئه على مر العصور
- الطاعون الي كان بيتسمى بالموت الاسود قتل 200 مليون واحد
- الجدري قتل 56 مليون
- الانفلونزا الاسبانيه قتلت حوالي 40 مليون
- طاعون تاني قتل 30 مليون
بتخيل الناس الي مروا بكل الامراض دي وفقدوا ناس من اهلهم وقرروا انهم ميكملوش خلفه تانيه بسبب الي مروه بيه من ايام سيئه
---
" بس انا مش عايز اكرر التجربه المؤلمه الي انا مريت بيها"
ناس كتير بتتعامل مع الحياة كانها ديما كانت المفروض تمشي بيرفكت بس احنا الي بسبب ظروف ما انحرفنا عنها ومرينا بتجربه سيئه
في حين ان عمرنا ما شوفنا نموذج للحياة البيرفكت الي الناس عايشاها ومبسوطه
في ناس كتير اغنيه عندهم مشاكل شايفين ان حياة البدائيه والصيد هي احلى حياه
ناس كتير فقرا شايفين ان حياة الاغنيه هي افضل حياة بدون ما يعرفوا تفاصيل تحمل هذه الحياة
ناس كتير شايفه ان الي غرقانين في مشاكل دول هما اسعد ناس لانهم معندهمش فرصه يغوصوا في اكتئابات الوجود والبحث عن المعنى
في حين ان الناس الي غرقانه في مشاكلها شايفين ان الي معندهمش مشاكل دول اسعد ناس وان مهما بلغت مشاكلهم فهي لا شيء مقابل انك تنام وانت مش عارف هتجيب ايجار الشهر الجاي منين
ناس كتير ابهاتهم وامهاتهم كانوا كويسين جدا ومثالين في تربيتهم اتشافوا على انهم سلبيين و متأخرين عن العالم الحديث ومعلموش ولادهم بالقدر الكافي على مواجهه صعوبات الحياة
وناس كتير ابهاتهم وامهاتهم مكانوش موجودين اصلا واتربوا بمدرسه الحياة عن طريق النجاة ديما ومش بطرق اختياريه ويمكن ده الي خلاهم يحققوا نجاحات كتير نظرا لكونهم فاهمين خبايا الحياة من كتر ما تعرضوا لصعوبات مكانش معاهم حد يسندهم فيها
وناس كتير ابهاتهم كانوا عباقره في عمل شيء ما و"ناجحين" جدا في ما يقارن بالمستويات البشريه، وكانوا اباء سيئين جدا
ماذا لو افترضنا جدلا جدلا "ان احد قوانين الحياة لكي تكون ناجح ماديا واجتماعيا هيسلب منك مساحة انك تكون اب او ام جيده"
هل مثلا تحب والدتك تكون زي امهات زمان الي افنت حياتها في تربيتك هتقدرها اكتر ولا مش مهم والدتك كانت تربيك كويس او تفني حياتها ليك المهم انها كانت تكون مهندسه نووية شاطره ساعدت البلاد في توليد الطاقه وسد احتياجات الفقراء ؟
هتختار انهي
في الحقيقة قانون الحياة خصوصا من كل ما حد بيكبر سنا او بيمر بتجارب اكتر ديما بيتجهوا نحو سياق "ان الحياة ليست عادله، ولن تكون عادله" ودينيا لم يعد احد ابدا ان الدنيا دار رخاء او دار استراحه، او دار هتكون فيه العيشه حلوه وجميله
السخط بتاعنا جاي من منطق احنا بس الي كنا بنحلم بيه، يمكن عشان بنشوف افلام او قصص نسجها خيال مؤلف عشان يهرب من واقع الحياة المؤلم
---
"بس انا لا اصلح ان اكون اب او ان اكون ام. انا شخص سيء جدا"
في الحقيقه اعتقادك اصلا ان تربيتك هي مجرد معادلات هتطلع ناتج مضمون في الاخر هي حاجه عبثيه جدا
مفيش حد نزل بكتالوج عارف الابوه او الامومه عامله ازاي، زي ما ذكرلتك قبل كده، هناك ناس عباقره، مثلا زي اينشتاين، لم يكن اب جيد ابدا،
عبقري غير علمي مثلا تسويقي زي ستيف جوبز بنته كاتبه فيه كتاب مخصوص بتعبر عن سخطها عليه،
في حين ان ابو محمد صلاح كان ينام على حذاءه لما كان يسافر القاهره عشان تدريبات صلاح لإنه مؤمن بإبنه رغم انهم في اعتقادي لم يكن يتخيل ان ابنه هيكون من اهم 3 لاعبين في العالم
مش عايز اجيب امثله مشاهدنهاش بشكل حي مثلا، زي ادم وحواء لما خلفوا قابيل وهابيل اتخانقوا وواحد قتل التاني
او ان ابن سيدنا نوح عصى ابوه وهو نبي ورفض يروح معاه
او ابناء سيدنا يعقوب انهم خدوا اخوهم ورموه في البير
وهم انبياء، ربما انت لا تؤمن بهذه القصص ولم تشاهدها
ولكن بص حواليك
اكيد في حد من الي تعرفهم او الي حواليك مخلف توأم ، مفيش اي داعي لاي اب او ام ينه يفرق ما بينهم، الاتنين مولدين في نفس اللحظه بفارق ثواني بسيطه الاتنين نفس التكوين نفس الجسم نفس الشكل
تعرضوا لنفس ظروف التربيه، كل واحد فيهم طالع بشكل معين بشخصيه معينه، رغم ان كل المدخلات كانت واحده
بالطبع انت محتاج تسعى انك تكون اب كويس وام كويسه، ومحتاج تسعى على قد ما تقدر، بس ده ميضمنش النتيجه، ومحدش فعلا معاه كتالوج ولا يقدر يقولك اعمل ايه ومتعملش ايه،
كل حاجات التربيه الحديثه الي طالعه اليومين دول هي بعد 2000 سنه من تدوين تاريخ البشريه
لو كانت شرط اساسي لوجود كائن حي انك تجتاز الامتحان ده عشان البشريه تكمل
تطور البشريه هو عباره عن تفادي اخطاء الماضي، وتفادي اخطاء الماضي مش عن طريق قتل الماضي، هو عن طريق انك تسعى انك تتجنب الي عمله ابوك معاك وحش، او تعوض الاهمال الي حسيت بيه مثلا
وانك تسامح ابوك وامك لانهم كانوا فاكرين ان ده صح، او كانت ظروفهم وحشه، او كانت عقلياتهم جابتهم لكده، وتتفادى انت اخطاء هما وقعوا فيها
وان ممكن يكون ده منطلق حاجه كويسه تعملها للاجيال الي جايه كويسه فعلا انك تنتج عقليات سليمه تساعد في تقليل المعاناة في المجتمع. او ناس تساهم في ازدهار تعليم معين يساعد في احتواء امراض كانت بتفتك بيهم
او يسهلوا حياة الناس في انهم يوصلوا لاحتياجاتهم الاساسيه من غير المجهود الخرافي بتاع زمان زي ما بيوصلك حاليا حنفيه الميه
او انك تنتج بشريه يكون ليها مبادئ انسانيه كويسه تحد من الحروب والنزاعات وتعيش العالم في مكان افضل
وفي الاول والاخر، انت هتسعى، مش شرط توصل لنتيجه، لان دي نفسه بشريه معقده جدا، مهياش هندسه، عمرها ما كانت نتيجتها مضمونه وعمرها ما كان ليها كتالوج، ولا استعداد شخصي
تريند عدم الخلفه تحت مسمى ان ده افضل للبشريه
بيخالف مثلا الهند الي تعداد فوق المليار ومئه مليون شخص، وبيسودها المجاهعات والفقر،ـ ان رؤساء اكبر شركات التقنيه في العالم كلهم هنود
واحد منهم ابوه دفع مرتب سنه كامله لمجرد تمن تذكره ان ابنه يسافر يعمل حاجه، معتقدش ان ظروفه كانت احسن من ظروفك، ولا مكانش بيعاني من ترومات ولا شاف ايام وحشه في حياته
لو مبتسعاش تكون شخص افضل متخلفش، انما لو بتسعى انك تكون شخص افضل بشكل عام، فا متعطلش نفسك تحت مسمى انك هتوصل لفكره انك بقيت شخص احسن
مش مطلوب منك غير السعي، والنتيجه عمرها ما كانت بتاعتك
وطالما انت بتسعى فانت وصلت للسطر ده، الناس الي مش بتسعى قفلوا المقال من بدري اوي..، فا انت شخص كويس، وبتهتم وحريص، واعتقد ان البشريه محتاجه من نسلك اكتر <3
[/rtl]
[/size]
